Design a site like this with WordPress.com
Primeiros pasos

Blog

Mugardos, fin de festa no
Día do Orgullo Neofalante!

MJ Pérez en Ares, co alumnado do CPI As Mirandas, que signou O fío do que pendo no Día do Orgullo Neofalante!

MJ Pérez en Cabanas participando na Celebración do Día do Orgullo Neofalante coa rapazada do CEIP Eladia Mariño

Popsía en no IES de Neda, no marco do Día do Orgullo Neofalante 2022

Día do Orgullo Neofalante 2022


O Servizo de Normalización Lingüística da Mancomunidade de Ferrolterra da man dos concellos de Cabanas, Mugardos, Neda, Valdoviño e Ares celebran por segundo ano o Día do Orgullo Neofalante con diversas actividades como:

A Exposición Cantámola nos Centros de Ensino

Concertos ao redor da importancia da música e da lingua para alumnado dos coles e instis: Popsía, MJ Perez ou Música e lingua, entre elas!

MJ en Valdoviño

MJ Pérez en Valdoviño polo Día do Orgullo Neofalante actúa na Casa da Cultura para o alumnado da ESO do CPI Atios

Onte, en horario lectivo de tarde, tivo lugar o evento Orgullo de lingua de MJ Pérez no marco das actividades ao redor do Día do Orgullo Neofalante e da Expo Cantámola!

En Cabanas coa actuación de Sofía Espiñeira como creadora musical da zona e Pepe Cunha creador da Expo Cantámola que percorrerá os cinco concellos con saída en Cabanas!

O mércores irá para o Colexio Eladia Mariño de Cabanas para visitar despois o CPI Atios en Valdoviño, o CPI As Mirandas en Ares, o IES Mugardos e finalmente o IES Fernando Esquío de Neda.

Cantámola

Coa música e coa lingua celebrando o arranque das actividades de Promoción do galego entre a xente moza ao redor do Día do Orgullo Neoafalante nos concellos de Cabanas, Mugardos, Neda, Valdoviño e Ares.

En Cabanas, coa actuación de Sofía Espiñeira como creadora musical da zona e a presenza de Pepe Cunha, creador da Expo Cantámola. A Expo foi inaugurada pola Concellaría de Normalización Lingüística do Concello de Cabanas de Paula González Grueiro, presidido o acto polo alcalde da corporación Carlos Ladra e a Deputada provincial de normalizaicón María Muíños. Acompañaron o evento as concelleiras de Mugardos, Valdoviño e Ares, Ana Varela, Jéssica Fernández e Noelia Montero.

Expo Cantámola en Cabanas

Arranca a Expo o luns día 19 ás 19 horas desde o Concello de Cabanas para despois continuar a súa andaina por Valdoviño, Ares, Mugardos e Neda.

Tamén están previstas outras actuacións nos centros de ensino con diversos grupos e colectivos musicais que trasladarán o valor e as potencialidades da nosa música, tradición, lingua e identidade á mocidade coas Charlas-Concerto do Día do Orgullo Neofalante.

Acto inaugural con Pepe Cunha e Sofía Espiñeira

A presentación desta Expo enmárcase nas Celebracións que se realizarán nestes cinco concellos da Comarca ao redor do Día do Orgullo Neofalante, que conmemora o fenómeno das persoas que se incorporan como falantes de galego ou que suman máis usos para o idioma. O día celébrase ao redor do nacemento de Andrés do Barro o 1 de outubro.

The Sea Beast en galego!

Un novo avance para a lingua que temos que agradecer á Mesa pola Normalización Lingüística, que como saberedes traballou a reo para acadar isto e moito máis pola lingua! Se queres sumar o teu apoio entra aquí!

Como xa saberedes o pasado venres 8 de xullo, Netflix estreou O monstro mariño, a primeira película de animación da plataforma producida directamente en galego.

Para 2022, a compañía tiña anunciado, ademais, a oferta de 200 horas de subtítulos e unhas 20 horas de dobraxe en lingua galega.

En Cabanas desfrutouse da proxección do documental A rosa incandescente que contou con numeroso público e coa presenza da guionista da curtametraxe, a cabanesa Anxos García Fonte. E para o próximo venres a entrega dos premios do III Concurso de Poesía, 27 de maio 18.30h. Haberá un concerto a cargo de Cristian Leggiero e Paty Lesta

Neda convida a peques e maiores a celebrar o Día das Letras Galegas percorrendo a vida e obra de Florencio Delgado Gurriarán a través dun contacontos ilustrado da man de Polo Correo do Vento. Domingo 22 de maio a partir das 12 horas na Casa da Cultura, e ao remate todos e un taller de caricatura. Inscrición previa na Casa da Cultura ou no 981 39 02 33.

Valdoviño

Domingo 22 Trémola Teatro Florencio Delgado Gurriarán Parque de Aviño. 18:00 h. Público Familiar. Se chove o espectáculo será na Casa da Cultura.

Domingo 29 : Maga Fani Falo porque me meta (Rede Cultural da Deputación Provincial). Casa da Cultura. 18:00 h. Público Familiar

En Ares

Concerto Grupo A Tajea o sábado 21 de maio ás 19,30 na Biblioteca da Alianza

Subes ao bus do teatro?

Viaxe a Cedeira par asistir á representación da obra do CDG: “ A oito da tarde cando morren as nais” Domingo 22 de maio

En Mugardos

Celebramos Os Maios e a Lingua en Mugardos o día 9 de maio, cun concerto de MJ Pérez que acompañou toda a

Actividade de Apelón Educación e dos Centros de de Ensino do Concello!

Acompañou a Banda de Gaitas Trouleada.

E no día 17 actuou a Coral Estrelas do Mar!

Despedimos BEBeGALe, con Que animaliño de Trémola Teatro en Ares, Valdoviño e Neda!

Que Animaliño en Valdoviño o 5 de abril no PAI
Que animaliño en Neda o 2 de abril na Casa da Cultura, con nais e pais!
Que animaliño na Galiña Azul de Ares, o venres 1 de abril!

Que ben o pasaron as máis e os máis peques! Quedan ganas de máis! Máis diversión, máis galego!

E continuamos coa nosa actividade Que animaliño é! Para nenas e nenos de 0 a 4 anos!

Na próxima semana estará na Biblioteca de Ares e na Casa da Cultura de Neda. Lembrade que en Neda tedes que anotarvos chamando ao 981390233

O venres 1 de abril ás 10.30 na Biblioteca de Ares e o sábado 2 de abril ás 12.00 na Casa da Cultura de Neda!

Hoxe 16 de marzo do 22, a noso primeira actuación nos 5 concellos: Que Animaliño e Trémola teatro no PAI de Cabanas!

Chegar ao mundo en galego, revivir o galego, brindar sorrisos e novos usos para a lingua

Espectáculo sensorial e de teatro infantil para aprendermos e xogarmos cos animais en galego! Para todos os nenos e nenas de Valdoviño, Mugardos, Cabanas e Ares!

Que animaliño é? nos 5 concellos do Servizo de Normalización lingüística de Ares, Cabanas, Mugardos, Neda e Valdoviño!

E ademais abrimos o espazo web BEbeGALe, no que incluímos recursos para as máis e os máis peques ao redor dos animais e de todo o que podemos aprender cos animaliños, a natureza e a música.

Dunha Caixa máxica comezan a saír animais e grazas a eles descubriremos moitas cousas. Que animaliño é? é una obra para bebés que lles fará gozar, coñecer e recoñecer o que ven ao seu redor.

As protagonistas, creadoras e impulsoras da obra, Paula Regueiro e Lucía L. Golán, únense na Escola Superior de Arte Dramática de Galicia, da que ambas actrices son tituladas, con ampla experiencia, solvencia e formación.

Comezamos o mércores 16 de marzo ás 10.00 no PAI de Cabanas, o venres 18 de marzo ás 10.30 na Escola Infantil de Mugardos, o venres 1 de abril ás 10.30 na Galiña Azul de Ares; o sábado 2 de abril ás 12.00 na Casa da Cultura de Neda e o 5 de abril ás 10.00 no PAI de Valdoviño.

Valdoviño, Manuel Carballeira e Rosalía no noso Mar!
Cabanas, 2ºEP do Eladia Mariño!
Mugardos, Carla Parada e o seu Mural de Rosalía!
Mugardos, versos nun mural de Rosalía, con Apelón!

Valdoviño, a química e Rosalía no CPI Atios!

Ares,  nenas e nenos de 2º de primaria do CEIP As Mirandas

Cabanas, creacións no Eladia Mariño!
Ares, Negra Sombra. Interpretado Ánxela Barcia (3º ESO), Iván Pantín (profe de música) e Carla Fernández
Cabanas, creacións de 3º EP no Eladia Mariño!

Neda, hoxe venres 25 escolma de poesía!

Mugardos alumnado de Unión Mugardesa no Roteiro Rosalía con Apelón Educación!
Cabanas, actividades escolares no Eladia Mariño!
Mugardos, escribe versos de Rosalía con Apelón!
Laura Fernández Sánchez, profesora de francés en Atios Valdoviño!
O alumnado do Obradoiro de teatro de Neda comparte versos con nós!
Josefina Arnosi, de Valdoviño!
María José Vila, de Ares!
Esperanza e Teresa, de Neda!
Esperanza Ocampo, de Ares!

Caracterizacións de Rosalía!

Raquel Aguilar, de Cabanas!
Teresa, de Neda!
Begoña Roldós, de Mugardos!
María José López, de Cabanas!
Paula Grueiro, de Cabanas!
Felicidad González, de Cabanas!
Fátima García, de Mugardos!
Grupo de teatro, de Neda!

Caracterizacións de Rosalía

Do día 16 ao día 21 de febreiro de 2022 convidámosvos a o envío de fotografías con caracterizacións de Rosalía ao voso concello. Despois iranse publicando en cada concello e aquí en Ferrolterra con lingua.

Enviade a: culturavaldovino@gmail.com, cultura@neda.gal, cultura@mugardos.gal, normalizacion@cabanas.gal ou cultura@concellodeares.com

Ou entrade nas webs do voso concello!

Alí teredes toda a info!

Caracterizacións de Rosalía

Desde Normalización lingüística dos concellos de Ares, Cabanas, Mugardos, Neda e Valdoviño! Propomos que enviedes aos concellos para publicar:

Fotos coas vosas caracterizacións de Rosalía, con versos, con citas, só imaxes…Como máis vos guste!

Co Galego a Eurovisión! Instrucións para apoiar a Tanxugueiras!

Quen queira a Tanxugueiras mércores e sábado deben seguir o programa televisivo que RTVE ofrecerá hoxe, a partir das 22.40 horas.

Na semanas do Nadal 2021 tamén en Cabanas! Coas músicas en galego! E celebrando o das Tanxugueiras, por suposto!

Onte en Neda e hoxe en Ares dando a coñecer as listas de música en galego!

E co galego a Eurovisión!

Hoxe en Valdoviño dando a coñecer as listas de música en galego!

https://orgullogalego.gal/spotify-musica-en-galego/

Hoxe en Mugardos dando a coñecer as listas de música en galego!

Descubre as listas de Spotify. Decenas de horas de música en galego

Panxoliñas de Nadal, Música para peques, Música de mulleres. E outras listas das que tiñamos falado como Cantámola, Xabarín ou Galicia en Galego

Ata o 12 de decembro de 2022!

A lingua represéntanos como pobo. Todos e todas somos parte dela e ao falarmos ou escribirmos creamos e recreamos o noso propio idioma. Se existe unha obra de arte colectiva ben fermosa esa é a nosa lingua!

Voar, Medrar, Sorrir, Camiño, Verdade, Cores!

Cal é a túa palabra do ano?

Pecha os ollos e conta ata 10! Velaí a túa palabra!

Aínda estás a tempo, entra e participa na elección colectiva da Palabra do Ano!

Gañadoras e gañadores dos Premios Youtubeiras 2021

Un orgullo para a lingua ter con nós Youtubeiras, para dar proxección a toda esta calidade e diversidade de voces e contidos. Somos unha auténtica potencia!

Os Premios Youtubeiras son todo un acontecemento de referencia para proxectar o galego como lingua viva e con capacidades magnéticas! Recomendámosvos coñecer a todas as persoas e canles gañadoras. Noticia do día 1 de decembro de 2021.

 

Premio Mellor Youtubeira! En Youtubeiras fálase de lingua porque é un tema divertido!

Ordenanza da lingua, aprobada en Neda o 30 de maio de 2022

Ordenanza da lingua, aprobada en Valdoviño o 7 de abril de 2022

Ordenanza da lingua, aprobada en Ares o 31 de xaneiro de 2022

Cabanas aproba a súa Ordenanza de normalización lingüística!

“A aprobación desta ordenanza supón avanzar no compromiso do goberno local pola promoción do uso e prestixio do galego, un novo paso tras a posta en marcha do Servizo de Normalización Lingüística”, sinalou Paula González, concelleira de normalización lingüística en Cabanas.

O Concello de Cabanas aprobou onte en pleno a Ordenanza , un texto normativo que reafirma o compromiso da entidade local co uso e promoción da lingua galega. O texto achega novidades como o uso de linguaxe inclusiva, especial atención á toponimia e promoción do uso institucional e social da lingua galega.

https://cabanas.gal/cabanas-aproba-a-sua-ordenanza-de-normalizacion-linguistica/

Unha Ordenanza promovida desde o Servizo de Normalización Lingüística da Mancomunidade de Concellos de Ferrolterra, para os concellos de Ares, Cabanas, Mugardos, Neda e Valdoviño. No 25 de novembro de 2021.

Lingua e Igualdade únense para facer fronte á violencia de xénero desde Cabanas

Desta vez o galego serve para comunicármonos internacionalmente e leva ao equipo da Concellaría responsable de Cabanas a Braga, a un evento no que intervirá coa súa experiencia a concelleira Paula González, xunto a outras autoridades internacionais de Galiza, Portugal, Brasil, Guinea-Bissau, Mozambique, Cabo Verde e São Tomé e Príncipe, baixo o título “A localización dos Obxectivos de Desenvolvemento Sostíbel tras a Covid-19: unha mirada desde o xénero”. Para asistir online podes consultar na web do Concello.

Ademais o Concello de Cabanas conta cunha ampla oferta de actividades ao redor do 25 de novembro que se pode consultar na web nesta ligazón. Aínda podes anotarte!

Títeres Cachirulo en Cabanas!

Espectáculo de monicreques este sábado en Cabanas para celebrar o Día Internacional dos Dereitos da Infancia – Concello de Cabanas

Mañá sábado no Salón de Plenos do Concello de Cabanas!

Chega unha terceira edición dos Premios Mil Primaveras da CTNL!

Para recoñecer e proxectar o traballo ben feito no ámbito da normalización lingüística e seleccionar boas prácticas que poden servir como modelos. Entre os proxectos premiados noutras edicións están GCiencia, Enreguéifate, Dígocho eu ou Youtubeir@s! Un luxo de iniciativas!

A transmisión interxeracional do galego a debate nos XXIII Encontros de Normalización!

Achegas que falan da transmisión xeracional máis alá da transmisión familiar.

A lingua está viva cando se planifican políticas para mantela, usala, transmitila.

Podemos coñecer o gran traballo de Apego ou a Iniciativa Xabarín.

LGx15 ou como influír no futuro do galego a través de charlas breves e amenas!

Si, como escoitades, é posible influír no futuro do galego con este espectacular evento que terá lugar mañá na cidade de Santiago de Compostela, organizado pola CTNL.

Máis información para mañá 16 de outubro de 2015!

Intervencións con gran dose de empatía, de experiencia propia e cariño pola lingua que levan chegando desde 2015 para dar forzas ao galego en formatos do noso tempo.

Xela Arias e Gianni Rodari, en galego e en formato podcast!

Proxecto Xela e Gianni do Consello da Cultura Galega. Formato sonoro dos Contos ao teléfono de Rodari, traducido por Xela Arias e seu pai Valentín Arias.

O valor pedagóxico e normalizador que no seu día tiveron estes contos e a súa tradución xerou un recurso moi útil para a dinamización da lingua galega orientada á infancia. E agora poderemos desfrutar dalgún conto fantástico como O poliño cósmico formato de podcast!

Un bo recurso para seguir dándolle vida á lingua con calidade pedagóxica e literaria!

Hoxe celebramos o Día do Orgullo Neofalante en Ferrolterra con lingua! , o espazo web do Servizo de Normalización Lingüística para os concellos de Ares, Cabanas, Mugardos, Neda e Valdoviño. Nesta ocasión sumáronse os concellos de Cedeira, Fene, Ferrol e Narón á nosa celebración!

O Día do Orgullo Neofalante celébrase como un día máxico para moitas persoas que dan o paso para falar case sempre galego, máis galego, moito máis galego…

E por que o 1 de outubro?Pois porque foi o día do nacemento do noso veciño Andrés do Barro, que levou o galego aos grandes éxitos musicais e que é considerado simbolicamente o primeiro neofalante.

Onte coa presentación do documental Barullo puxemos en marcha unha iniciativa que vai difundir nos centros de ensino da man dos concellos o valor da lingua neo ligada a esa forza musical e a ese universo galego en galego.

O Concello de Neda acollerá o xoves día 30 ás 19 h na Casa da Cultura a actividade «Súbete ao galego» na que se proxectará o documental «Barullo» e na que participará o seu autor, Xosé Antón Bocixa, e Pepe Cunha.

As persoas interesadas en tomar parte deben reservar a súa praza chamando ó 981 39 02 33 a partir do luns 27 de setembro, en horario de 9 a 13 h e de 16 a 20 h.

Con esta e outras iniciativas, os concellos da Mancomunidade celebran o Día do orgullo neofalante, no que se conmemora o nacemento de Andrés do Barro o 1 de outubro de 1947 e se anima ás persoas que por distintos motivos non usan o galego (ou non o usan en determinados ámbitos) a comezar a usalo.

Esta actividade está organizada polo Servizo de Normalización Lingüística da Mancomunidade de Concellos da Comarca de Ferrol, subvencionado pola Deputación da Coruña e no que participan os concellos de AresCabanasMugardosNeda e Valdoviño. Tamén colaboran os Servizos de Normalización Lingüística dos concellos de CedeiraFeneFerrol e Narón.

Socializar en galego está de moda!

Para as persoas de Ferrolterra que vaiades a Santiago ou a Pontevedra a estudar, traballar, vivir…

Aí tedes dous programas moi, moi atractivos: Elos e Falamos!

Elos é un programa para facilitar o contacto entre persoas que desexan aprender e practicar o galego e persoas que voluntariamente queiran colaborar con elas.

Falamos, un programa promovido polo Concello de Pontevedra e a Universidade de Vigo e dirixido a promover o uso do galego como lingua de socialización entre a comunidade universitaria.

Cantar en galego está de moda!

Volven os tempos de Andrés do Barro, o galego nos números un!

Agora tradi máis músicas urbanas!

O tradi mola para bailar, cantar e darlle vida ao galego!

Son As Tanxugueiras e estarán mañá en Neda modernizando a nosa lingua e a nosa tradición musical.

https://neda.gal/o-concello-pon-a-disposicion-do-publico-50-novas-entradas-para-o-concerto-de-tanxugueiras-este-sabado-na-noite-de-bolos/

Entradas esgotadas no concerto de Neda do 4 de setembro de 2021!

Música Pop e normalización lingüística

Os Verto falan da importancia da música pop para normalizar a lingua galega!

No seu tema Telón de grelos falan de revivir os tempos do Tren do noso primeiro neofalante e número un Andrés do Barro.

Eu só quero voltar

Ós 70 na máis

Cando O tren estaba

no Top 1 ….

Imos de revolución?

Teatro no Castelo de Moeche

Unha actividade en lingua galega, con contido sobre a nosa historia!

Orgullosas do noso, orgullosas do galego!

#O galego quere saltar á xente nova contigo, #grazas Ana!

Orgullosas de Ana Peleteiro que á súa vez está orgullosa dela mesma e da súa lingua, porque si, a nosa lingua conforma a nosa identidade e forma parte de persoas que loitan polos seus soños, coma ti Ana!
Grazas polo teu orgullo Ana, grazas por poñérmonos en valor, a nós e á nosa lingua, desde este pequeno recuncho de fala mimosa de noso! Que cante, que cante, que salte, que salte! Alegrámonos moitísimo por ti!

#O galego quere saltar á xente nova contigo, #grazas Ana!

Unha tese da Universidade de Vigo constata os beneficios da socialización bilingüe na etapa infantil

Nos artigos e publicacións recentes e non tan recentes sobre sociolingüística estamos vendo como nas zonas máis castelanizadas a infancia e xuventude non aprende galego principalmente na familia. De feito, a familia xa non é nestas zonas o axente principal de transmisión da lingua.

Mais curiosamente os estudos que se van facendo sempre chegan á mesma conclusión: darlles a oportunidade de aprender dúas ou máis linguas na infancia vai mellorar a súa capacidade cognitiva. Xa Belén Regueira alertaba sobre a dificultade que tiñan de atopar nenas e nenos galegofalantes cando rodaban O país dos ananos! polo que recibiu un merecido premio que podedes ver neste vídeo. Pois se vemos a importancia disto fagamos como di Belén, aprendámoslles cantas máis linguas mellor. Falémoslles galego!

De onde vén o nome do teu concello?

Como traballamos entre cinco concellos e cada un ten un nome único quixeramos saber en Ares, Cabanas, Mugardos, Neda e Valdoviño que significa o nome do noso concello, de onde vén, cando se documentan as primeiras mencións, …? E velaí, podemos consultalo nesta recente publicación. Porque saber de onde vimos alenta para descubrir cara onde queremos camiñar!

https://doi.org/10.32766/rag.377

Queres coñecer o significado do teu nome?

A quen non lle gusta coñecer o significado do propio nome, elixir nome ou mesmo galeguizar o nome! Pois aquí vos deixamos un acceso á caixa de nomes da Mesa pola Normalización Lingüística!

https://www.amesa.gal/recursos/caixa-de-nomes

Presentacións do noso Servizo

Nas últimas semanas fomos presentando o noso Servizo nos diferentes concellos nos que traballamos. A acollida foi espectacular! Esperamos facer moitísimas cousas de proveito polo galego!

http://www.concellodeares.com/amplianota.php?cod=2375

Cabanas estrea Servizo de Normalización Lingüística

O Concello incorpora o servizo de normalización lingüística ao seu día a día

21 días co galegoSe elas e elas poden, nós tamén podemos!

Desde o SNL da Mancomunidade de concellos de Ferrolterra retámosvos co 21 días co galego e máis!

E comezamos así ao tolo, se queredes comezar podedes enviar un comentario ao noso correo electrónico, normalizacion.mancomunidade@ferrol.es, que nós filtraremos e publicaremos.

Mais é posibel que prefirades, como a rapazada, facelo en grupo! E daquela iremos vendo as vosas propostas incentivando esa autoorganización de grupos de revitalización do idioma.

Barullo: O documental do ano!

Un audiovisual que chega para darnos a coñecer a forza creadora, profesional, diversa e de calidade que ten a música galega en galego, feita por heroes e heroínas dos nosos tempos.

As modas!

As modas, di Guadi Galego no documental, se se puxese de moda cantar en galego sería a mellor campaña de normalización lingüística para o país! E nós non podemos estar máis de acordo! E se cadra estase poñendo un pouco de moda. Cando menos dise que xa hai neofalantes declaradas e declarados que deron ese paso cando comezaron a cantar en galego.

Mais tamén temos unha historia triste que contar, ese berro que vai de Pepe Cuña a Guadi Galego, pasando por Bocixa, creador deste magnífico documental. Voces que din que falta distribución e apoio. Por suposto que faltan, e é que ás veces semella que se instalou na nosa civilización unha cegueira cultural: como non valoramos esta potencia musical que somos?

Somos unha potencia musical, entre outras!

No documental non deixamos de marabillarnos de principio a fin, desde a forza da palabra de Xavier Díaz que persiste na tese de demostrarlle a algunha xente que é tan difícil ser arquitecto ou arquitecta en Galiza como artista musical en lingua galega. Claro que si Xavier, se ademais é totalmente certo o que dis.

E, por útlimo, como desprezar esa forza creadora da nosa lingua que nos mantén vivas e vivos ata hoxe, como na obra mestra de Celso Emilio que vai pechando o documental da man de Xurxo Souto, Lingua proletaria do meu pobo eu cántoa porque si porque me peta e dáme a gana…


O noso Blog

Unha canle de noso, un Xabarín de noso!

Chegamos algo tarde para dar esta noticia, mais pensamos que a súa relevancia para a lingua fai imprescindíbel destacala entre os Grandes éxitos da lingua galega nos últimos tempos!

Queremos ver e vivir Xabarín Club!




O noso Blog

Unha canle de noso, un Xabarín de noso!

O Parlamento galego aproba por unanimidade a Iniciativa Xabarín

17 de xuño de 2021

Amor a primeira vista

Campaña para que o alumando da ESO e BAC se inscriba na materia de portugués!

A asociación DPG, Docentes de Português na Galiza, presenta unha campaña, dirixida ao alumnado de ESO e bacharelato, para animalo a inscribirse na materia de portugués.

17 de xuño de 2021

Curso da EGAP para persoas traballadoras das administracións! Aberto o prazo de inscrición!

Actualización gramatical e ortográfica da lingua galega é un curso de 30 horas de duración, que se desenvolverá en formato mixto (teleformación e telepresenza) durante os meses de outubro e novembro de 2021. O prazo de presentación de solicitudes será de 10 días, contados a partir do seguinte ao da publicación da convocatoria.

16 de xuño de 2021

Somos noticia no Centro de documentación sociolingüística coas nosas Lembranzas de San Xoán!

http://consellodacultura.gal/cdsg/paxinaarq.php?id=7860

A %d blogueros les gusta esto: